भारतको सुरक्षाका लागि गोर्खाल्याण्ड राज्य गठन आवश्यक : विमल गुरुङ
पुष २ । काठमाडौं । गोर्खाल्याड पार्वत्य परिषद्का विमल गुरुङले भारतको राष्ट्रिय सुरक्षाका लागि गोर्खाल्याण्ड राज्य गठन गर्नुपर्ने बताएका छन् ।
हालै भारतको नयाँ दिल्लीमा पत्रकार सम्मेलन गरी उनले चारैतर्फ अलग अलग देशसँग सीमा जोडिएको दार्जिलिङ पर्वतीय क्षेत्रलाई समेटेर गोर्खाल्याण्ड राज्य गठन गर्नुपर्ने माग गरेका हुन् । गोर्खाल्याण्ड राज्यको माग गर्दै संघर्षरत गुरुङले दार्जिलिङ पर्वतीय क्षेत्र नेपाल, भुटान, बंगलादेश र चीनसँगको सीमा जोडिएको बताउँदै गोर्खाल्याण्डको माग गर्दै अहिले पनि जन्तर मन्तरमा धर्ना र प्रदर्शन गरिरहेको जानकारी दिए ।
अन्य मुलुकमा गएर ज्यानको परवाह नगरी गोर्खालीले सुरक्षा दिँदा त्यहाँका जनता आरामले निदाएपनि आफ्नो देशको सरकारले गोर्खालीलाई केही नगरेको गुनासो गरे । गोर्खालीको अस्मिता र पहिचान जोगाउन संघर्ष गरिरहे पनि सरकारले बेवास्ता गरेको भन्दै उनले अब माग पूरा नभएसम्म आन्दोलन नरोक्ने चेतवानी दिए ।
0 comments
Write Down Your Responses