माघ १८, काठमाडौ । चोरी गरेरै रामेछापका केशव खड्काले ललितपुरको टीकाथलीमा घर बनाएका छन् । उनले आफ्ना सहयोगी परिचालन गरेर चोरी गर्दै आएका थिए । खड्का समूहले धनी र विदेशीको घर छान्दै चोर्ने गरेको प्रहरीले बताएकाे छ ।

उनीहरुले लामो समयदेखि चोरी गर्दै आएको महानगरीय प्रहरी परिसर ललितपुरका प्रमुख एसएसपी पीताम्बर अधिकारीले बताए । सहयोगी कुमार भन्ने रघुनाथ बस्नेतसहित खड्कालाई महानगरीय प्रहरी परिसर ललितपुरले शनिबार पक्राउ गरेको छ भने अरु फरार छन् । रामेछाप बेथान घर भएका मुख्य नाइके खड्काको ललितपुरको टीकाथलीमा भव्य घर छ । आपराधिक गतिविधिबाटै कमाएको पैसाले उनले घर किनेको प्रहरीले जनाएको छ । प्रहरीका अनुसार खड्काको सो घरको छानविन हुनेछ । अाजकाे नयाँ पत्रिका दैनिकमा खबर छ ।