नेता सडकमा उफ्रिएका आधारमा सरकारले घुँडा टेक्दैन
माघ ९, काठमाडौं । प्रधानमन्त्रीका प्रमुख राजनीतिक सल्लाहकार विष्णु रिमालले प्रमुख प्रतिपक्षी नेपाली कांग्रेसले मधेसवादी दलहरुसँग मिलेर ‘म्याच फिक्सिङ’ गरेको टिप्पणी गरेका छन् ।
आफ्नै नेतृत्वको सरकारले तयार पारेको संशोधन विधेयकमाथि कांग्रेसले उसका सांसदहरुलाई संशोधन प्रस्ताव दर्ता गराउन लगाएका कारण कांग्रेस नेताहरुलाई विश्वास गर्न सरकारलाई गाह्रो परेको उनले बताए ।
नेपाल ट्रेकिङ-ट्राभल्स-र्याफ्टिङ-एयरलाइन्स मजदूर युनियनको दोस्रो प्रतिनिधि परिषदको शनिबार काठमाडौंमा उदघाटनका क्रममा रिमालले भने, ‘कांग्रेसले आफ्ना सभासदलाई संविधान संशोधन विधेयकमाथि संशोधन प्रस्ताव दर्ता गर्न लगाएर म्याच फिक्सिङ गरेको छ ।’
प्रधानमन्त्री ओलीका प्रमुख राजनीतिक सल्लाहकार रिजालले केही जमिन्दार र शासनसत्ताको स्वाद लिने बानी परेका केही नेता सडकमा उफ्रिएका आधारमा सरकारले संयुक्त लोकतान्त्रिक मधेसी मोर्चासामु घुँडा नटेक्ने स्पष्ट पारे ।
अनलाईनबाट
0 comments
Write Down Your Responses