माघ २१, सुरुङ्गा(झापा) । जिल्ला जनस्वास्थ्य कार्यालयका झापाले क्यान्सर रोगीको संख्या झापामा ९७२ पुगेको जनाएको छ । आर्थिक वर्ष २०६६/०६७ देखि चालू आर्थिक वर्ष २०७२/७३ को माघ १४ गतेसम्ममा झापामा क्यान्सर रोगबाट ९७२ जना पीडित बनेको जिल्ला जनस्वास्थ्य कार्यालय झापाका प्रमुख चन्द्रदेव मेहेताले बताउनुभयो । आर्थिक वर्ष २०७१/०७२ मा ११५ जना महिला र ११८ जना पुरुष क्यान्सर रोगबाट ग्रसीत भएको बताइएको छ । त्यस्तै चालू आर्थिक वर्षमा पनि क्यान्सर रोगी थपिने क्रम जारी रहेको मेहेताको भनाई छ । चालू आर्थिक वर्ष २०७२/०७३ को माघ १४ गतेसम्ममा १२४ जना नयाँ क्यान्सरका रोगी फेला परेको छन् । जसमा ६६ जना महिला र ५८ जना पुरुष रहेको बताइएको छ ।