‘सुशील कोइरालाले भनेका थिए–तिमीहरु गाउँ जाओ जाओ तर आफैं माथि जानुभयो
फागुन २०, काठमाडौं । नेपाली कांग्रेसका महामन्त्री कृष्ण प्रसाद सिटौलाले १३ औं महाधिवेशन मार्फत कांग्रेसले मुलुकमा एकताबद्ध गर्न सक्ने नेतृत्व खोज्नु पर्ने बताएका छन् ।
काठमाडौंको खुला मञ्चमा भइरहेको पार्टीको १३ औं महाधिवेशनलाई सम्बोधन गर्दै महामन्त्री सिटौलाले संविधान जारी भइसकेको भन्दै यसको कार्यान्वयन गर्नुपर्नेमा जोड दिए । संविधान कार्यान्वयनको पहिलो चरणमा स्थानीय निकाय, संघीय निर्वाचन गर्नु रहेको भन्दै उनले यसलाई कार्यान्वयन गर्न र गराउन सक्ने नेतृत्व छान्नु पर्ने बताए ।
जारी महाधिवेशनमा सभापति पदका लागि उम्मेद्वारी घोषणा गरेका उनले गिरिजाप्रसाद कोइरालाले अघि सारेको योजनाले मुलुकमा शान्ति कायम भएको र अब सुशील कोइरालाले संविधान जारी गरेको छोडेको यसको कार्यान्वयन गर्ने जिम्मेवारी पूरा गर्नुपर्ने बताए ।
माओवादी र राजाको बन्दुकले मुलुकका अशान्ति छाएका बेला गिरिजाप्रसाद कोइरालाको प्रयासबाट मुलुकमा शान्ति आएको उनको भनाइ छ । पदीय स्वार्थमा बसेर मुलुक र पार्टी अघि बढ्न सक्दैन भन्दै सिटौलाले सबैको एकता र मेलमिलापले मात्रै बलियो र सक्षम मुलुक बन्न सक्ने धारणा राखे ।
कुनै नेताहरु सांघुरो घेरामा नरहेर माथि उठ्न नसक्ने भन्दै सबै बदल्ने सक्छौं नेपाल बदल्न होइन विकास र समृद्धि बनाउन सकिने बताए । खाडी र बाह्य मुलुक नेपाली युवाले पसिना बगाएर पठाएको पैसाले मुुलुक चलाएको भन्दै उनीहरुको समस्या समाधान गरी मुलुकभित्रै रोजगार निर्माण गर्नुपर्ने उनको भनाइ छ ।
पार्टीका अघिल्ला सभापति र महाननेताहरुलाई स्मरण गर्दै सिटौलाले हालै निधन भएका सभापति सुशील कोइरालाको भनाई सम्झँदै भने, ‘पार्टीको महाधिवेशनका कार्यक्रम सुरु भइसकेको थियो। सुशीलदाले हामीलाई भन्नु तिमीहरु गाउँ जाओ तर आफैं माथि जानुभयो ।’
0 comments
Write Down Your Responses