दिल्लीबाट काठमाडौं आउँदै गरेको जहाजमा बम !, यात्रुहरु आतंकित
माघ ११, काठमाडौं। भारतको दिल्लीबाट काठमाडौं आउँदै गरेको जहाजमा बम रहेको आशंका पछि यात्रुहरु आतंकित बहेका छन् ।
नयाँ दिल्लीबाट काठमाडौँ लागि आउँदै गरेको फ्लाइट 9W260 जेट एयरवेजमा बम रहेको आशंकामा यात्रुहरु र चालक दलका सदस्य सबैलाई उतारेर छानबिन सुरु गरिएको भारतीय सञ्चारमाध्महरुले जनाएका छन् ।
जेट एयरले जहाजमा रहेका सबै १०४ यात्रु र चालक दलका सात सदस्यलाई बाहिर निकाली जहाजभित्र सर्च सुरु गरेको बताइए पनि अन्य थप विवरण भने बाहिर आइसकेको छैन ।
यता जेट एयरवेजले भने निर्धारित समय दिउँसो १ बजेर २५ मिनेटमा उडान भर्नुपर्ने भएपनि सुरक्षा अलर्टका कारण ढिलो भएको जनाएको छ । चालक दलका सदस्य र यात्रुहरुलाई विमानबाट बाहिर निकाली दिल्ली विमानस्थलमा राखिएको र विमान भित्र सुरक्षाकर्मी सर्च गरिरहेको विज्ञप्ति जारी गरी जेट एयरवेजले जनाएको छ ।
0 comments
Write Down Your Responses