इराकमा दुई वर्षमा १८ हजार सर्बसाधारणको मृत्यु (भिडियोसहित)
माघ ६ – बाग्दात, इराकमा चलिरहेको हिंसाका कारण पछिल्लो दुई वर्षमा मात्रै १८ हजार भन्दा धेरै सर्वधारण नागरिक मारिएको संयुक्त राष्ट्रसंघले जनाएको छ । बिद्रोही संगठन इस्लामिक स्टेत तथा अरु बिद्रोही समूह र ती समूह विरुद्ध चलिरहेको कारवाहीको चपेटामा सर्वसाधारण नागरिक परेको राष्ट्रसंघले जनाएको छ ।
पछिल्लो तथ्यांक अनुसार सन् २०१४ को जनवरी १ देखि २०१५ को अक्टोबर ३१ अर्थात २२ महिनाको अवधिमा १८ हजार आठ सय दुई जना नागरिकको हिंसाका कारण ज्यान गएको छ । यस अवधिमा ३६ हजार दुई सय ४५ जना घाइते भएका छन् ।
राष्ट्रसंघले सार्वजनिक गरेको प्रतिवेदनमा इराकमा नागरिकमाथिको हिंसाको अवस्था अत्यन्तै नाजुक रहेको उल्लेख छ ।
आइएसले योजनावद्ध रुपमा नागरिकको हत्या गरेको र त्यसमा केही नरसंहार नै रहेको राष्ट्रसंघले जनाएको छ ।
प्रतिवेदन अनुसार ज्यान जानेको वास्तविक संख्या अझै धेरै हुन सक्छ । आइएसको नियन्त्रणमा रहेका क्षेत्रसम्म पुग्न र त्यहाँको क्षतिको विवरण संकलन गर्न नसिकिएको राष्ट्रसंघले जनाएको छ ।
इराकमा जारी द्वन्द्वका कारण अहिलेसम्म ३२ लाख भन्दा धरै मानिस विस्थापित भएको तथा हजारौं आइएसको अपहरणमा परेको प्रतिवेदनमा उल्लेख छ ।
यो आंकडाबाट इराकी नागरिक कस्तो अवस्थाबाट छुटकारा पाउनका लागि जोमिख युक्त यात्रा गरेर युरोप प्रवेश गर्न चाहन्छन् भन्ने देखिने संयुक्त राष्ट्रसंघका मानवअधिकार उच्च आयुक्त जाइद राद अल हुसेनको भनाई छ ।
– एजेन्सीको सहयोगमा
0 comments
Write Down Your Responses