गोली हानी खगेश्वर काफ्लेको हत्या
माघ २०, रुपन्देही । रुपन्देहीमा गोली हानी एक व्यक्तिको हत्या भएको छ । अज्ञात समूहले रुपन्देहीको सैनामैना नगरपालिका १० का खगेश्वर काफ्लेको मंगलबार राति गोली हानी हत्या गरेको प्रहरीले जनाएको छ ।
गोली लागेर गम्भीर घाइते बनेका काफ्लेलाई उपचारका लागि बुटबलस्थित लुम्बिनी अञ्चल अस्पताल पुर्याइएको थियो । काफ्लेको उपचारका क्रममा बुधबार बिहान निधन भएको जिल्ला प्रहरी कार्यालय रुपन्देहीले जनाएको छ ।
घटनास्थल परिसरमा मधेसी टाइगर्सको पर्चा भेटिएपनि हत्या कसले गरेको हो भन्ने खुलिसकेको छैन । हत्या गर्ने समूहको खोजी कार्य भइरहेको छ । काफ्लेका श्रीमती, सात वर्षकी छोरी र पाँच वर्षका छोरा छन् ।
भिडियो
0 comments
Write Down Your Responses