फागुन १४, काठमाडौं । उग्रवादी संगठन स्लामिक स्टेटले दुई सामाजिक सञ्जालका प्रमुखहरुलाई धम्की दिएको खबर सार्वजनिक भएको छ । आइएसको भनिएको भिडियोमा सामाजिक सञ्जाल फेसबुकका प्रमुख मार्क जकरबर्ग र ट्वीटरका पनि मुख्य कार्यकारी अधिकारी जैक डोर्सीलाई धम्की दिएको बिबिसिले उल्लेख गरेको छ । 

उक्त दुई प्रमुखलाई आइएस समर्थक अकाउन्टसलाई निशाना बनाइरहे यसको गम्भीर नतिजा भोग्नु पर्ने सो उग्रवादी संगठन आइएसले धम्की दिएको बताइएको छ । केही दिनअघि आइएस समर्थकहरुको उक्त दुई सामाजिक सञ्जालले अकाउन्ट बन्द गरिदिएको खबर सार्वजनिक भएसँगै आइएसले उक्त धम्की दिएको हो । उक्त धम्कीबारे फेसबुक र ट्वीटरले हाल सम्म कुनै प्रतिक्रिया दिएका छैनन् ।