फागुन ११, सोलुखुम्बु । सोलुखुम्बुको तिङलामा ट्रक दुर्घटना हुँदा तीन जनाको मृत्यु भएको छ भने एक जना घाइते भएका छन् । चालक इन्द्र तामाङ घाइते भएका छन् । 

काठमाडौंबाट सोलुखुम्बु मुक्लीका लागि छुटेको ना २ ख ५५४४ नम्बरको ट्रक गएराति दुर्घटना हुँदा मुक्ली-१ सोलुखुम्बुका भीमबहादुर बस्नेत र छत्रबहादुर बस्नेतको घटनास्थलमै मृत्यु भएको हो । 

दुर्घटनामा मृत्यु भएका अर्का एक जनाको भने सनाखत भएको छैन । दुर्घटनामा घाइते भएका ट्रक चालक तामाङको जिल्ला अस्पताल फाप्लुमा उपचार भइरहेको छ ।