संघिय गठबन्धनले आज शुक्रबार आन्दोलनको कार्यक्रम घोषणा गर्ने
वैशाख १०, काठमाडौ । आन्दोलन गरि रहेको १५ दलीय संघीय गठबन्धनले नयाँ आन्दोलनको कार्यक्रम शुक्रबार आज सार्वजनिक गर्ने भएको छ ।
११ बुँदे माग राखेर संयुक्त लोकतान्त्रिक मधेसी मोर्चामार्फत तराईमा ५ महिना आन्दोलन गरेको मोर्चाले अहिले जनजातिसम्बद्ध दलहरुलाई समेटेर संघीय गठबन्धनमार्फत हिमाल, पहाड र तराईमा आन्दोलन गर्ने जनाएको छ ।
२४ दल आवद्ध संघीय गठबन्धनले २६ बुँदे माग सार्वजनिक गरेको छ । ती माग पूरा नभएसम्म आन्दोलन जारी रहने गठबन्धनका नेताहरुले जनाएका छन् । संघीय समाजवादी फोरम नेपालको कार्यालयमा ११ बजे पत्रकार सम्मेलन गरेर घोषणा हुने पहिलो चरणको आन्दोलन प्रचारात्मक हुने बताइएको छ ।
0 comments
Write Down Your Responses